بضحك والضحك غالى

بضحك وانا عارف

الضحك تمنه غالى

بضحك وانا شايف

الحزن سوره عالى

بضحك على حالى

من نفسى ومن ايامى

من موتك يا احلامى

من عمايل الدنيا فيه

من قسوتها عليه

من اسمى ومن حيرتى

من ياسى ومن غلبى

من كل اللى جرالى

وبرغم اللى جرالى

بضحك والضحك غالى

نضحك وفى ضحكنا بكانا

ليلنا ونهارنا معانا

حظك ياقلبى معايا

فى طريقنا ولمنتهانا

ندى ما نقول كفايه

لغيرنا روحنا وهوانا

ويوم ما نقول خدونا

يا حبايب ارحمونا

فى ايديكم شايفين دوانا

ننده ويضيع ندانا

وبرغم اللى جرالى

بضحك والضحك غالى