SABRY
عدد الرسائل : 739
تاريخ التسجيل : 05/05/2008
 |  موضوع: أنا اللي الشاي لسعني  الثلاثاء يونيو 10, 2008 3:38 pm | |
| [size=18] [center][size=16]أنا اللي الشاي لسعني
لما وقع علي ايدي
لا قلت آي
ولا خفت من اللي جاي
انا اللي بشرب الشاي كشري
ومن الهم ابيض شعري
ومن زعلي اتهزت مشاعري
وطال بية الليل وسهري
أنا اللي الشاي لسعني
وبغني ومين يسمعني
أنا اللي نمت من غير مخدة
علي الأرض وعلي البلاط
والليل يغلبني العياط
انا اللي لا شفت فرح
ولا دقت هريسة اسكندرية
ولا مشبك دمياط
وتوب الهم علي قدي
وكأن اتفضل عند اجدع خياط
ده أنا اللي الشاي لسعني
وتهت وملقيتش حد يروحني
جمعة صاحبي البواب
اللي كنت بعطف عليه
وفاكر عطفي عليه ثواب
أهو بقي صاحب عمارة
وتحت محل كباب
ولما قصدته
أداني ضهره
يا رخص الأنسان
يا رخص سعره
أنا اللي الشاي لسعني
من الهم ايدي اتهزت
م العوزة ايدي أتمدت
ودموعي علي خدي
لا حد مسحها ولا هي نشفت
تعبت وحياتي مني تعبت
ده انا اللي الشاي لسعني
[/size][/size] [/center] | |
|
kazama zan
عدد الرسائل : 122
تاريخ التسجيل : 08/05/2008
| | موضوع: رد: أنا اللي الشاي لسعني الأربعاء يونيو 11, 2008 6:29 pm | |
| هههههههههههههههههههههههههههههههههههههههههه تهيييييييييس | |
|
